Atay Lahir
In atay panyap satinggi-tinggi ha satiyap ginhawa. Duun nakabutang in kusug iban kalamma sin anggauta' baran. Bang siya manaimbabauna (dominant) in lummi halaum niya na' masakit sahingga mapatay siya, in lawan niya bang nanaimbabau in lanu' kalaum niya magsasambuna in katan ginhawa baran niya.
Ha baita' sin pangadji' sains (science), in atay pagdaraganan sin dugu' (circulation), bang mangi'na in ligut niya iban matarasau (late) hadja dai'-dai' akala ma stroke in tau sahingga bang kakusugan mapatay siya. Bang in ligut sin dugu' magsagnatan iban tarasawahan sin dagan niya kumusug in tagdapu kaniya.
Atay Batin
In atay batin bukun biya' sin atay lahir in function niya, in atay lahir kakumpitan iban magka-transfer siya pa tau dugaing biya in atay hi Mahathir Mohammad. In atay batin labi in kusug iban kamumpaatan diyara niya. Siyana ini in maka-kontak pa kalayuan sarta' makabaita' atawakan makananam sin kaiinginan sin tagdapu kaniya.
Biya'da isab siya atay lahir magkalummi', sumagawa' in makalummi' kaniya bukun ordinary lummi' biya' sin lahir pagkasakupan ta. In makalanu' kaniya ibadat iban muamalat marayau. In makalummi' kaniya' ma'siat iban sagannap kakahinang mangi' agadna in kakufur, kashyrik, tuhuma, jangki, giging, habughu', utub-utub, astul, dugal, iban sin kaibanan pa timatapu' ha pitu (7) tampat sin atay.
Kagunahan
In guna sin atay siyana in teknologi numanam, kimita', iban dimihil kusug ha pitu (7) anggauta', In atay lahir di' makakita' sin ghaib sumagawa' in atay batin landu' in sawa sin pangatud niya. Masawa pa siya daying sin pangatud ilmu', karna' in ilmu' awn had niya. In atay batin awn halaum niya rahasia' (sirr) magpanduga iban matarrang in pangatud niya latus lagbas daying ha alam batin pakaibanan alam batin.
In teknologi ini tagaluun siya kusug hikakusug sin kusug, amauna in pangnanam lasa. Adapun in lasa halaum sin teknologi ini makapalunuk sin matugas, makapagaan sin mabu'gat, ha dugaing bahasa makapataub sin hunas iban kaibanan pa.
In kusug sin atay batin tumaaluk in sagannap makhluk kaniya, karna' awn tandawan sugpat pa Allah (swt) ha tuput Tagdapu sin atay iban tagdapu kaniya.
In satiyap di' hikarida' sin Allah maun pa tagdapu sin atay nasabbut di' niya taymaun. Karna' in Tuhan Maha Sussi nagaastana' duun halaum niya. Daying ha sabab ini way mustahil ha atay batin karna' in atay nasabbut tutug duun in Tagdapu kaniya.
Allah ho alam
Union vs Separation
Ha dunya sin union di'na masilang in dagat iban bukal. Ha saat ini in tuput kakitaan sin bukal amura in dagat, sampay bukal kalupahan niyana in baran niya. Malugay in union iniha alam way run malayingkan silara ka ruwa. Duwara sila malayingkan hambuuk da amura in Siya.
Bihadtu in hal mu iban Siya, sahingga hiyuyupan kau nyawa daying ha Zat Niya. Ampa liyuun niya kau palawm rahim hi ina' mu, liyupa kaymu in UNION nakauna. Ampa biyugsak kau pa dunya wayruun diyara mu unu-unu, way irab way panumtumm mu. in yadtu pamarinta sin Tuhan kaymu 'mabaya' Siya kakikalahan', iban patafakkurun kau pa Sifat Niya, bukun pa Zat Niya.
SEPARATION
Ha alam dunya man kau, in katalibut mu makhluk Niya,in yan Sifat Niya. Duun ha Sifat yan makapangannal kau Kaniya. Kakitaan mu in lingkat sin sagannap katalibut mu. Sahingga katumtuman mu in didtu pa kau Kaniya. Dunya SEPARATION in dunya gigiikan ku bihaun ini dunya butas sumagawa' tibuuk --UNION halaum SEPARATION.
SERVANTHOOD
Ha Paradoxes of Love page 24 nasabbut in,'SERVANTHOOD is higher than UNION'. In maksud niya pagka na UNION na magkalagihan na SEPARATION hasupaya DUMAGBUS na in SERVANTHOOD, insyaAllah. Ha dugaing bahasa lasahun in Tuhan labay daying ha makhluk Niya. Bang hi kakasi limasana ha makhluk sin Kakasi na' in nalasa niya in Kakasi. Bang niya piyasaran in makhluk sin Tuhan liyuppas niya in UNION
Sunnat vs Wajib
Ha Ngan sin Tuhan Baying Ulungun iban Baying Kasihun
Hambuuk waktu ha Masjid Awal, nagjawab in manga jamaa nara panagsuntuk.
Maas Usug: In taraweeh subay 20 rakaat amu yan in nahinang sin kamaasan.
Bata' ba'gu: In taraweeh subay 8 rakaat amu yan in kita' namu' ha hula' arab.
Taka sin taka, nagsuntuk pasal sin 8 iban 20 in tumpukan sin manga maas-maas iban sin manga bata' ba'gu. Sahingga dimatung in bisita nila.
Bisita: Manjari aku mangasubu? Unu baha' in hukuman sin taraweeh?
Jamaah: Sunnat tuan, bang hinangun aw pahala', bang di' hinangun di' magdusa.
Bisita: Unu in hukuman sin magkalu? Iban unu in hukuman sin maghambuuk?
Jamaah: In hukuman sin magkalu haram. In hukuman sin maghambuuk fardu'. In wajib bang di' hinangun magdusa.
Kimatul in u sin bisita.
Bisita: Ngek! Na mayta' kamu nagkalu sin sunnat? Mayta' niyu piyalabi in sunnat magtaraweeh daying sin fadu' maghambuuk?
Lupa' Sug
(photo by Lahir Batin)
Lupa' Sug oh Lupa' Sug
Pamis kau usug
Ampa kau tindug
Bud Daho' madurug
Bud Tumantangis Makusug
Lupa' Sug bangun
Kuput hitamung
Hitakus barung
Akkal hisung
Buddi hitanum
Gimagantung in Atay
Dum adlau
Ikau
Way utlang
Ikau
Tug bati'
Ikau
Tuput ha jantung
Ikau
Akhir hayat
Ikau
Way dugaing ha atay
Ikau
Tuput
Ikau
Giyantungan sin Atay
Tuput atay puti' ku
Timampal kau
Kiyakitaan
Iyabutan sin atay
Tiyaima' sin bulan
Damlag ha katigidluman
Nahinang ilau
Ha laum atay
Way hi alup ku kaymu
Tuput atay puti' ku
Pa astana' mu
Way kuput ku
Tuput utuk puti' ku
Way taumpa' ku
Hi giik pa palmaddani' pula mu
Tuput maruwa ku
Tumtum
'In dayau sin parasahan bang mu kaingatan
in tiyutumtum mu tiyutumtum niyara kau isab"
"Tumtuma niyu Aku, tumtumun ta kamu", yan in janji' sin Tuhan nakaukkil ha Qur'anul Kareem. Adapun in panumtum nasabbut yan magad ha satiyap naug-gaban sin napas sin kakasi. Na', labi in tumtum sin Kakasi daying ha kakasi Niya. Malupa in kakasi masi in tumtum sin Kakasi, sumagawa' nagdarajat siya. Karna' in Kakasi mustal in Sifat Niya daying ha kalupa.
Bang tumumtumna in ina' pa anak niya ha panawan, ha sa'bu nagsusungit atasan niya in kakaun di' ubusun ha supaya awn makapin kakaun ha anak niya kailu. Biya' diin na in Tuhan amuin magnanapaka ha ipun Niya?
Buntu'na in mata sin hambuuk anak ha tatkala' sumandung kaniya in duwa maas niya halaum kubur. Biya' diin nabaha' in tumtum sin Tuhan ha ipun niya amuin nakatumtum sin kamatay niya?
Untasun in tawid sin hambuuk subul karna tumtum hakakasi niya ha hula' ha kalayuan. Biya' diin na baha' in tumtum sin Tuhan hakabatin niya pa ipun niya, amuin samata-mata di' kakitaan Siya?
Hi hafizul Qur'an, magkagulung in luha' niya ha waktu mamassa siya daying ha manga ayat sin Allah halaum Qur'an. Biya'diin nabaha' in tumtum kaniya sin Maha Sussi Allah, ha waktu magkasabbutna in kangan-Nganan (Asmaul-Husna) sin Allah subhana wataala?
Daying ha manga tumtum nasabbut, magduruhun in lasa sin kakasi pa Kakasi labi in Kakasi pa kakasi.
Way ut sin Tuhan kaymu
Bismillah hir Rahman hir Rahim
Muna-muna bang aku malaung maapun aku sin Allah, mahuli kamu.
In suuk sin Allah (swt) kaymu magtuy Siya makajawab sin pangayuun mu. Adapun way pa kau nakatagna' nangayu' kiya ingatan Niya magtuy naka-una pa daying huna'-huna' mu. Bang kau mangasubu ha tungud Niya, masuuk Siya kaymu, ha farman biya'na sin ha baba' ini.
Bang mangasubu in ipun ku Kaku', masuuk Aku kanila. (Quran 2:186)
In suuk sin Tuhan kaymu labi daying sin ugat dakula' ha liug mu.Matampal in bayta' niya ha Quran.
Iban masuuk Kami kaniya daying sin ugat dakula' haliug niya (Quran 50:16)
Ayau kau maglawag Kaniya way siya nakalawak daying kaymu. Duun Siya sarta' kaymu.
Iban duun Aku haunu-unu kau. (Quran 57:4)
In kasabunnalan niya, masuuk in Tuhan kaymu daying hakasuuk mu pa baran mu. Kakilahan Niya kau labi daying sin pangirab mu ha baran mu. Awam pa kau ha baran mu, adapun in Siya nakakasakup sin kahapun mu, bihaun mu, iban sin susungun mu.
Muna-muna bang aku malaung maapun aku sin Allah, mahuli kamu.
In suuk sin Allah (swt) kaymu magtuy Siya makajawab sin pangayuun mu. Adapun way pa kau nakatagna' nangayu' kiya ingatan Niya magtuy naka-una pa daying huna'-huna' mu. Bang kau mangasubu ha tungud Niya, masuuk Siya kaymu, ha farman biya'na sin ha baba' ini.
Bang mangasubu in ipun ku Kaku', masuuk Aku kanila. (Quran 2:186)
In suuk sin Tuhan kaymu labi daying sin ugat dakula' ha liug mu.Matampal in bayta' niya ha Quran.
Iban masuuk Kami kaniya daying sin ugat dakula' haliug niya (Quran 50:16)
Ayau kau maglawag Kaniya way siya nakalawak daying kaymu. Duun Siya sarta' kaymu.
Iban duun Aku haunu-unu kau. (Quran 57:4)
In kasabunnalan niya, masuuk in Tuhan kaymu daying hakasuuk mu pa baran mu. Kakilahan Niya kau labi daying sin pangirab mu ha baran mu. Awam pa kau ha baran mu, adapun in Siya nakakasakup sin kahapun mu, bihaun mu, iban sin susungun mu.
Silak Sahaya halaum sin atay
In pangsutan Sahaya (Nur) halaum sin atay ngiyanan siya, Nurul Yaqin.
Similak siya panagnaan sin silak maku' biya' sapantun sin silak sahaya sin bituun patungun daying ha dunya. In ngan niya Nurul Islam.
Sahingga, in Nur nasabbut kumusug-kusug in sahaya niya biya sapantun sawa bulan. Amuna yadtu in Nurul Iman.
Sumunu;, magduruhun in Sahaya niya biya' sahaya mata suga. Amuna yadtu in natagna siya Nurul Ihsan.
Madauhat in manga Nur nasabbut subay siya makusug in riyadah (exercise) iban mujahadah (lugtu'), tagnaan daying ha sumussi siya sin atay niya. Bang maigna in lummi' sin atay niya na' tumajalli'na in katan sifat malanu' magkulimbanag in Sahaya halaum atay niya.
Bang in bituun mapandang iban bulan, na' in mata suga di' siya mapandang malugay. Adapun in Si'nag sin atay batin bukun biya' suga makalissuk pandangun siya. In Sahaya tubud daying ha nasabbut magduruhun pandangun magduruhun in rahmat niya.
Basically, bang ta sugpatun in in Sahaya batin nasabbut iban sin lummi' (present situation), in hambuuk maglalanu' subay lanuan niya in mata tainga niya, labi in atay niya daying ha katan kakahinang hika lummi sin atay niya. In lummi' ha jaman ini biya'na sin, way pagpatiaag, paggiging, pag-asag dugu', favoritism, tuhuma, taas-tiaasi, lasa ha alta' hikamudarat, lasa ha kawasa hikamudarat, iban sin kaibanan pa.
Adapun in paglanu' kaniya, puas sin taubat iban jikiran niya, subay in manusiya' magmaap-miyaapi, ukab in atay (open minded), sahawi-sawihi, kasilasa, uyum katawa, patiaag, patibaba', pangandul, lumasa pa Tuhan daying pa alta' iban kawasa. Hasupaya madauhat in silak Sahaya tumattap ha atay batin. Sahingga mahinangna siya sahaya sin kauman pangsut daying halaum jantung niya.
Allah ho Nurus sawati wal Ard. (In Allah [swt] sahaya siya sin langit iban gumi).
Allah ho alam.
Similak siya panagnaan sin silak maku' biya' sapantun sin silak sahaya sin bituun patungun daying ha dunya. In ngan niya Nurul Islam.
Sahingga, in Nur nasabbut kumusug-kusug in sahaya niya biya sapantun sawa bulan. Amuna yadtu in Nurul Iman.
Sumunu;, magduruhun in Sahaya niya biya' sahaya mata suga. Amuna yadtu in natagna siya Nurul Ihsan.
Madauhat in manga Nur nasabbut subay siya makusug in riyadah (exercise) iban mujahadah (lugtu'), tagnaan daying ha sumussi siya sin atay niya. Bang maigna in lummi' sin atay niya na' tumajalli'na in katan sifat malanu' magkulimbanag in Sahaya halaum atay niya.
Bang in bituun mapandang iban bulan, na' in mata suga di' siya mapandang malugay. Adapun in Si'nag sin atay batin bukun biya' suga makalissuk pandangun siya. In Sahaya tubud daying ha nasabbut magduruhun pandangun magduruhun in rahmat niya.
Basically, bang ta sugpatun in in Sahaya batin nasabbut iban sin lummi' (present situation), in hambuuk maglalanu' subay lanuan niya in mata tainga niya, labi in atay niya daying ha katan kakahinang hika lummi sin atay niya. In lummi' ha jaman ini biya'na sin, way pagpatiaag, paggiging, pag-asag dugu', favoritism, tuhuma, taas-tiaasi, lasa ha alta' hikamudarat, lasa ha kawasa hikamudarat, iban sin kaibanan pa.
Adapun in paglanu' kaniya, puas sin taubat iban jikiran niya, subay in manusiya' magmaap-miyaapi, ukab in atay (open minded), sahawi-sawihi, kasilasa, uyum katawa, patiaag, patibaba', pangandul, lumasa pa Tuhan daying pa alta' iban kawasa. Hasupaya madauhat in silak Sahaya tumattap ha atay batin. Sahingga mahinangna siya sahaya sin kauman pangsut daying halaum jantung niya.
Allah ho Nurus sawati wal Ard. (In Allah [swt] sahaya siya sin langit iban gumi).
Allah ho alam.
Way ganti' Mu
Bulan simahaya
Ha atay in maruwa
Ikau in Sahaya
Hi tuk ku in jantung
Hi pagsambi' ku in bituun
Biraddali di' ugun
Ikau in piun
Sulga' di' lingiun
Gula' di' putun
Tunggal Ikau Awn
Ut way hun
hangkasasaat hadir Mu
Wayna irab sin tuu lawa
Pangita' iban pangdungug wayna
Sahingga pangirab lanyapna
Gula' iban pitawali' hangka nanamna
Kug kuyag timattapna
Lasa iban rida' hipu'na
Di' masabandingna
Hika lapal di'da
Sampay pangnanam maigna
Pangannal di' dumaganna
Nyawa wayna
Sifat limangkapna
Kalanyap limanyapna
Hangka saat Siya
Pangita' iban pangdungug wayna
Sahingga pangirab lanyapna
Gula' iban pitawali' hangka nanamna
Kug kuyag timattapna
Lasa iban rida' hipu'na
Di' masabandingna
Hika lapal di'da
Sampay pangnanam maigna
Pangannal di' dumaganna
Nyawa wayna
Sifat limangkapna
Kalanyap limanyapna
Hangka saat Siya
(19 Aug 2009)
Nyawa
Lundang ta kau ha ha bay
Tunang ta kau ha kahanungan
Tiyatau' kau ha atay
Awn waktu lummian ta kau
Awn waktu lanuan ta kau
Awn waktu magsingsung kau
Awn waktu di' magkaiba' kau
Bang kita mag butas
Atay ku naligap
Bang kita magbak
Natibuuk kita ha haq
Piyayungan mu aku sin nanam
Iyulanan ta kau sin hailan
Aku in nagkarupangan
Ikau in kiyakkang
Way kau nabugtu' ha atay
In tug bati' ku
In kullap sin mata ku
In hundung hibal ku
In angan-angan ku
In kubbut sin jantung ku
In satiap suara ku
In sungit ku
In panau ku
In hali-hali ku
In tawag sin atay ku
In pangatud ku
In pangdungug ku
In kabuhi' kamatay ku
Way nabugtu' in Ngan Mu
KaLASAhan ta kau
Ya Allah!
In kullap sin mata ku
In hundung hibal ku
In angan-angan ku
In kubbut sin jantung ku
In satiap suara ku
In sungit ku
In panau ku
In hali-hali ku
In tawag sin atay ku
In pangatud ku
In pangdungug ku
In kabuhi' kamatay ku
Way nabugtu' in Ngan Mu
KaLASAhan ta kau
Ya Allah!
Ayau mu aku binan
Satiyap sangga ku
Satiyap titik luha' ku
Sujud, ruku' ku
Juhud, rida' ku
Bugtu' ha atay ku
Rida' Kaymu
Andu' dunguba aku
Kuba sin daghal ku
Kignut sin jantung ku
Bang way Kau
Mag-ununa Aku
Wayna kabuhi' ku
Wayna halga' ku
Tuput Ikau in kalagihan ku
Hiyuwat-huwat ku
Iyangan-angan ku
Way upaya ku
Way kusug ku
Kalasahan ta Kau
Mugtu' manahut ku
Landu' in tumtum ku Kaymu
Andu' ayau binan aku
Ya Allah!
